Latgolys Radejis zinis (4.04.2008.)
Pyurma 16 godim Daugavpilī pazudušais bārns, tagad jau jaunīts, itūnedeļ pyrmū reizi ticīs ar sovu eistū muoti, kai arī izsacejs gribiešonu atdabuot tū vuordu i pavuordi, kas jam beja dūts kūpš dzimšonys. Jaunīšam sakuortuoti personys dati, pīškierts personys kods i deklarāta dzeivisvīta. Tagad jis dzeivoj pi aizbildnim, pa teleponu sasazynoj ar eistū mamu i babu.
Šudiņ ostoņūs vokorā ar koncertu Rēzeknis Kulturys nomā tiks atkluota Starptautiskuo stepa dejis festivala “Tap in Riga” koncertu sereja “Ritma pasaulē…”, informej stepa dejis trupys “Top Tap Company” daleibneica Guna Kaše. Koncertā uzastuos pazeistamuokais Latvejis stepa doncuotuojs i festivala organizātuojs Māris Pūris i juo vadeituo stepa dejis trupa “Top Tap Company”, kai arī etniskūs perkusiju izpildeituoji i freestyle percussion aizsuocieji Latvijā – perkusionistu apvīneiba “Pulsa Efekts”, Ukrainys stepa doncuotuojs Konstantīns Žaivoronoks – folkstepa stila puorstuovs, kurais stepu doncoj krīvu, čiguonu, ungāru, meksikāņu i cytu tautu muzykys pavadejumā . Koncerta īpašais gosts šova “Hello, Jūrmala!” finalists, dzīduotuojs Nikolajs Verins.
Šudiņ sešūs J.Ivanova Rēzeknis muzykys vydsskūlā nūtiks skūlys simfoniskuo orkestra 70 godu jubilejis koncerts. J.Ivanova Rēzeknis muzykys skūlys simfoniskuo orkestra 70 godu jubilejis koncertā muzicēs ari Daugavpils muzykys vydusskūlys simfoniskais orkestris.
Šudiņ Leivuonu inženīrtehnoloģiju i inovāceju centrā nūtyka jaunīšu forums, kuramā Leivuonu nūvoda jaunīšus informeja par īstuožu, jaunīšu organizaceju, bīdreibu, navaļstiskūs organizaceju i nūdybynuojumu pīduovuotajom īspiejom. Foruma mierķis ir veikt organizātu informācejis apmaiņu starp jaunīšim, ar jaunatnis dorbu saisteitūs speciālistu, organizāceju vadeituojim i pošvaļdeibu.