Latvīšu bīdreibas nomā nūtiks diveju jaunu gruomotu par Latgolu atdareišonas svātki
Reigys Latvīšu bīdreibas nomā šudiņ nūtiks Latvejas Universitatis profesoris Janīnas Kursītes gruomotys “Kāzas Latgalē” i rokstu kruojuma “Vārkava: tradicionālā kultūra un mūsdienas” atdareišonas svātki. LU profesoris Kursītes gruomota “Kāzas Latgalē” stuosta, kai Latgolā agruok precovuos, kai mūdinova, guldinova jaunū puori, kai tika nūjemts vaiņogs i cytas ar senajuom kuozom saisteitas lītas i izdareibas. Sovukuort rokstu kruojums “Vārkava: tradicionālā kultūra un mūsdienas” golvenūkuort atspīgeļoj LU pietnīku i studentu veikumu zinātniskajuos ekspedicejuos Preiļu rajona Vuorkovys nūvodā i Vuorkovas pogostā.Ituo goda 5.aprelī Aglyunā pyrmū reizi nūtiks saliduojums, kuramā aicynuotys pīsadaleit sīvītis, kuruom dūts vuords Vija. Uzjāmuma “Aglonas maize” vadeituoja, Aglūnas maizis muzeja i gostu sātys “Pie Vijas” saiminīce Vija Ancāne pastuosteja, ka saliduojums ir veids, kai Vijom sazatikt, īsapazeit, atrast kūpeigū i atšķireigū. Viju saliduojumā nūtiks vysaižys aktivitatis – puču vijas kūpeiga peišona, īsaskateišona Latvejas Viju gruomotā, Svātuos misis apmeklejums i lustis da reita gaismai.
Latvejis Posts šudiņ izsūlē puordūs vairuokus nakustomūs sovumus, līcinoj paziņojums oficialajā laikrokstā “Latvijas Vēstnesis”. Plkst.12 planūta nakustamuo sovuma Daugavpilī, Jelgavas īlā 18 izsūle, suokuma cena nūsaceita 61 100 latu apmārā. Sovukuort plkst.14 planūta Rēzeknis rajona Kaunatas pogostā asūšuo Vilkakrūga izsūle, suokuma cena nūsaceita 14 650 latu apmārā.
