Valentindīnys zinis
![](https://lpr.gov.lv/wp-content/uploads/2005/dezuratteli/79.jpg)
Itūgod Valentindīna Ludzā nu īprīkšejim godim atsašķiers ar tū, ka 14. febralī Sorkonuo Krysta Ludzys komitejis ustobuos nūtiks ašņadonoru dīna. Sorkonuo Krysta Ludzys komiteja visim ašņa zīduotuojim ir sagatavuojus Valentindīnys duovonys. Ludzys piļsātys i rajona dzeivuotuoji ašņi varēs zīduot jau nu deveņim reitā.
Šudiņ, Valentina dīnā, Daugavpilī suoksīs muokslys akceja “Mīlam mākslu kopā 2”, Latgolys radeju informē DU Sabīdriskū attīceibu i informācejis daļā. Akcejis ītvorūs tiks atkluotys četrys izstuodis, treis nu tom šudiņ. Daugavpils muzykys vydusskūlā durovys taiseis DU muokslys studeju programuos studejūšū i pedagogu radūšū dorbu izstuode “Kopā”. Divejis stuņdis vieļuok DU muokslys galerejā tiks atkluota Reigys Latgalis prīkšpiļsātys izpilddirekcejis reikuotuos foto akcejis ceļojūšuo izstuode “Skatienu krustpunkti. Latgales priekšpilsēta.” Vysbeidzūt četrūs Daugavpils rajona Tautys izgleiteibys i kultūrys centra noma izstuožu zālē byus apskotoma DU muokslys studeju programmuos studejūšū i pedagogu dorbu izstuode “Mīlestība”.
Rēzeknis piļsātys dūmis Kultūrys puorvaļde febralī uzsuok akceju „Apmeklē kultūras pasākumus, kļūsti par 1kg kulturālāks un saņem ielūgumu uz festivālu”. Tuos ītvorūs varēs dabuot īlyugumus iz Eiropys tautu festivālā koncertim Rēzeknē.
Latgoyis apgoboltīsa šudiņ plānoj turpynuot skateit kriminallītu, kuramā par kukuļdūšonu i starpnīceibu kukuļuošonā apsyudzāts SIA “Magvejs” direktors Valērijs Vasiļjevs i SIA “OVI” valdis prīkšsādātuojs miljonārs Vladimirs Oderovs. Iz itū breidi tīsa nūpratynuojus 11 līcinīkus, vēl atlics nūpratynuot septeņus.