Folklorys kūpai „Ilža” teik izdūts pyrmais kompaktdisks

Kulturys centra „Lauska” pyrmais itūgod izdūtais kompaktdisks ir latgaliskuos skaņuos – folklorys kūpa „Ilža” ir īdzīduojuse i īspieliejuse 20 sova nūvoda dzīsmes i dančus. Folklorys kūpa „Ilža” Ludzys rajona Ciblā dorbojās jau nu 1990.goda. „Ilžas” dalinīki ir dažaidu paaudžu puorstuovi. Grupys nūsaukums radīs nu Ilžas upeitis, kas tak cauri Ciblai.

„Ilža” dzīd sova nūvoda dzīsmes latgaļu volūdā ar tradicionalūs instrumentu pavadejumu. Kompaktdiskā ir īkļauta ari Ata Auzāna remiksāta dzīsmē „Zynu, zynu, jādzu, jādzu”, kai ari “bonuss” – videoklips „Saulrīts Latgolā”, kuru režisiejs i uzfilmiejs Matīss Mennekings nu Vuocejis. Diska vuokam ir izmontuota Ilzes Menneking-Soikans glezna „Līgas tomāti”.

Ilžas kompaktdisks teik izdūts ar Ludzys rajona padūmes, Ciblys nūvoda dūmis i Valsts Kulturkapitala fonda, kai ari SIA „Latgales druka” laipnu atbolstu.

Informacejis olūts: radiooira.lv/