Gatavejās izstuodei Balttour 2008
Pīcpadsmytajā starptautiskajā tūrisma izstuodē Balttour, kas nu 8. leidz 10. febraļam nūsarysynuos Ķīpsalys izstuožu hallē vīnuotais Latgolys reģiona stends byus leluokais nu Latvejis stendim, tuo kūpejuo plateiba 156 m2. Vīnuotajā Latgolys stendā byus puorstuovāti Ludzys, Rēzeknis, Balvu, Daugavpils, Preiļu i Kruoslovys rajoni, Latgolys uzjāmumi, gostu sātys i arī Rēzeknis Augstškola. Sevi prezentēs arī Daugavpils i Rēzeknis piļsātys, kas ir nacionaluos nūzeimis centri i saistūši tūrisma objekti.Šudiņ iz Ludzys dūmis sēdi uzaicynuots Fridijs Bokišs, jū dūme plānoj skateit vaicuojumu par juo īceļšonu Ludzys dūmis izpylddirektora vītnīka omotā. Ludzys dūmis janvarī izsludynuotajā konkursā iz Ludzys dūmis izpylddirektora vītnīka vakantū omotu pīsasacie četri kandidati, tūs vydā arī F.Bokišs, itam nūlyukam izveiduotuo komiseja nūlēme virzeit F.Bokiša kandidaturu iz izskateišonu dūmis sēdē.
Sabīdreibys veseleibys agentūrys Rēzeknis filialis apkūpuotī monitoringa dati par elpceļu infekcejis slimeibu izplateibu Latvejā līcynoj, ka gripys epidēmeja Rēzeknē ir suokusēs. Paguojušā nedeļā reģistrāti 192 saslimšonys gadejumi iz 100 000 īdzeivuotuoju. Vysvaira ar gripu slimoj bārni vacumā nu 5 leidz 14 godim, vysmozuok pīaugušī, kurī vacuoki par 65 godim.
Šudiņ Daugavpils Dūmis deputati komitejuos sprīss par atbolstu 31. janvarī Paula Stadeņa slimineicā jaundzymušū treineišu saimei. Pošvaļdeiba plānoj duovynuot saimei treisvīteigus rateņus i pīšķiert vīnreizeju naudys pabolstu, kuruo apjūmu šudiņ plānuots apsprīst. Kai vīns nu īspiejamajim variantim teik mynāti 500 lati iz kotru jaundzymušū. Sovukuort par treisvīteigū rateņu īguodi pošvaļdeibys atbildeiguos amatpersonys suokušys sarunys ar kaidu bārnu preču veikalu Reigā, kurais sūlejīs itaidus rateņus atvest nu Vuocejis. Turkluot Daugavpils pošvaļdeiba apsajāmuse arī ar sovu transportu atguoduot nu Reigys iz sātu mameņu ar jaundzymušajim.
SIA “Daugavpils saldējuma fabrika” febralī planavoj divkuoršuot saldiejuma-suflē jeb tai saucamuo syltuo saldiejuma ražuošonys apjūmus. Janvarī uzjamumā tyka saražuotys apmāram 4,5 tonnys saldiejuma-suflē, febralī ražuošonys apjūmus plānuots palelynuot vysmoz leidz deveņom tonnom.
