Latgolys Radejis zinis (31.01.2008.)
![](https://lpr.gov.lv/wp-content/uploads/2005/dezuratteli/79.jpg)
Šudiņ Bolvu dūmis sēdē planuots aptyprynuot mierķdotacejis pošvaļdeibys investiceju projektu leidzfinansiejuma daļu, 30% pošvaļdeibys leidzfinansiejums paradzāts projektā “Balvu pilsētas siltumapgādes sistēmas energoefektivitātes paaugstināšana 2.kārta”, “Balvu novada muzeja – reģionālā kultūrvēstures un tūrisma centra attīstība” i “Tuberkulozes slimnīcas ēkas rekonstrukcija ar dzīvokļu pielāgošanu personām ar smagiem funkcionālajiem traucējumiem”
Reģionaluos atteisteibys i pošvaļdeibu lītu ministrejā šudiņ nūtiks Koordinācejis padūmis sēde, kuramā tiks skateiteita Rēzeknis piļsātys integrātuos atteisteibys programma i projekta idejis. Rēzeknis integrātuos atteisteibys programmu 2007.-2013. godam pārn aptyprynuoja Rēzeknis piļsātys dūmis sēdē, kai arī skateita Latgolys planuošonys regiona atteisteibys padūmis sēdē. Rēzekne izvirzej sevi kai Austrumlatvejis kulturys i izgleiteibys centru.
Daugavpils dūme ituo goda budžetā sabīdriskajom attīceibom īplānuojuse izlītuot 55 196 latus. Mynātuo naudys summa paradzāta informatīvū biletenu izdūšonai, leigumu par raidlaikim sliegšonai ar radejom i televīzejom, kai arī dūmis Piļsātys atteisteibys departamenta Mārketinga i informācejis nūdalis darbinīku dorba apmoksai.
Šudiņ Kruoslovys Viesturis i muokslys muzejā tiks atkluota Andreja Gorgoca i juo studejis audziekņu dorbu izstuode. Izstuodē byus apskotomi apmāram treisdesmit dorbi, Eļļā izpyldeitūs dorbu tematika ir dažaida – ainovys, portreti, viesturiski sižeti.