Pasludynuos sprīdumu kukuļjimšonys lītā
Šudiņ Latgolas apgoboltīsa pasludinuos sprīdumu vairuokkuortejā kukuļu pījemšonā apsyudzātuos Daugavpils Zemisgruomotu nūdaļis prīšknīces Valdas Strodes kriminallītā. Prokurors jai daprasejs damārūt treis godu cītumstruopi ar montys konfiskaceju. Apsyudzātuo sovu vaini jai inkriminātajūs nozīgumūs atzynuse i pīkrituse lītas izskateišonai bez pīruodejumu puorbaudis.
Šudiņ plkst.14 Daugavpils rajona kulturas nomā “Vārpa” nūtiks akcejas “Labā Zvaigzne” nūslāguma pasuokums. Latvejas Sorkonuo Krysta reikūtajā akcejā ar simboliskajom bolvom i pateiceibas rokstim tiks apbolvūtas 14 “Labās Zvaigznes” – cylvāki, kurī uorpus sovim omota ci dorba pīnuokumim ir paveikuši kaidu lobu dorbu, snīguši sirds syltumu i paleidzeigu rūku sovim leidzcylvākim.
Daugavpilī ryndā iz pyrmsškolas izgleiteibas īstuodem tāņ gaida kaids symts bārnu. Leluokais daprasejums pec vītom bārnuduorzūs ir Daugavpils centrā i Jaunbyuvē. Vītu tryukums vārojams golvenūkuort grupeņuos bārnim vacumā nu vīna da treis godim. Grupeņuos bārnim vacumā nu treis da septeņim godim ir pat 80 breivas vītas. Vītu skaita tryukums saisteits ar dzimsteibas daaugumu beidzamajūs godūs.Kab palelinuotu vītu skaitu pirmsškolas izgleiteibas īstuodēs, pluonūta pībyuves celtnīceiba 24.bārnuduorzā i 13.bārnuduorza rekonstrukceja.
SIA “Daugavpils saldējuma fabrika” (DSF) laiduse klajā jaunu produktu – syltū saļdejumu aba saļdejumu suflē, tai šudiņ roksta laikroksts “Dienas Bizness”. Kai stuosta uzņāmuma valdis lūcekls i sovinīks Arnolds Lavrinovičs, syltais saļdejums ir produkts, kam Latvejā nav analoga. “Tys atsašķir ar tū, ka nakyust, kas ir vacuoku atrodums, jo bārnu kokli nav apdraudāti. Tys ītver sevī klasiskuo saļdejuma soveibas, apvīnojūt tū ar putyna pīna garšu,” tai skaidroj uzņiemejs.