Latgolys Radejis zinis (18.01.2008.)
![](https://lpr.gov.lv/wp-content/uploads/2005/dezuratteli/79.jpg)
Izskotūt Tautys muokslys centra prīkšlykumu, Bolvu dūmis deputāti atbalsteja īceri 2010. godā piļsātā organizēt 12. Latvejis amatīrteātru saliduojumu. Dūmis sēdē deputāti atzyna, ka itys pīduovuojums ir uzticeibys aplīcynuojums piļsātai i Balvu Tautys teātrim, jū pārn Balvūs veiksmeigai nūritē klasiskuos dramaturģejis festivāls “Ķiršu duorzs”. Planavuots, ka saliduojums ilgs treis dīnys, tymā pīsadaleis apmāram tyukstuža dalinīku.
Ludzys rajona padūmē šudiņ gasteis četri Pitalovys rajona pošvaļdeibys puorstuovji, lai ar Ludzys rajona pošvaļdeibys vadeibu, izgleiteibys, sporta i kultūrys speciālistim apsprīstu turpmuokuos sadarbeibys īspiejis izgleiteibys i kultūrys jūmā.
Šudiņ vīnūs Leivānu nūvoda Rūžupē nūtiks Rūžupis pamatskūlys pyrmsskūlys grupys atkluošonys svātki, i divūs svineigai tiks atkluotys atjaunuotuos Rūžupis veseleibys punkta ustobys tai Latgolys Radeju informē Leivānu nūvoda dūmis sabīdriskū attīceibu speciāliste Ginta Kraukle.
Šudiņ Ludzys dūmis sēdē planavuots skateit vaicuojumu par ilgtermeņa aizjāmumu projekta “Ludzys piļsātys sporta hallis tehniskuo apreikuojuma i sporta inventāra īguode” realizācejai. Dūmis sēdis dorba kuorteibā īkļauti arī vaicuojumi par Ludzys pošvaļdeibys autoceļu programmu 2008. godam i cyti vaicuojumi.
Vakar Daugavpils dūmis sēdē pošvaldeibys deputāti apstyprynuoja atteisteibys programmu “Muna pils Daugavpils” 2008.-2014. godam. Daugavpils atteisteibts programma ītver sevī pošreizejuos situācejis analīzi, piļsātys atteisteibys stratēģeju, reiceibys programmys tyvuokajim septeņim godim i investīceju plānu tyvuokajim treis godim.
Jākubpilī turpynojās diskusejis par reģionāluos augstškolys izveiduošonu. Jākubpils pošvaļdeibai juodora vyss, kas tuos spākūs, lai sagatavuotu bāzi reģionāluos augstškolys izveidei piļsātā, – pi itaida sacynuojuma apsprīdis laikā nūnuoce Jākubpils augstškolys izveidis iniciatori.