2007.godā Riezeknes rajona byuvvalde dajiemuse ekspluatacejā 47 objektus
Aizvadeitajā godā Riezeknes rajona byuvvalde dajiemuse ekspluatacejā 47 objektus ar kūpiejom izmoksom 13,2 miljoni latu, – tai līcinoj pošvaldeibas strukturvīneibas apkūpuotī rezultati par 2007.godu.Leluokī beidzamajā godā dajemtī ekspluatacejā objekti ir ryupneicas SIA “Verems” paplašinuošona, cītū sadzeivis atkrytumu poligons “Križevnieki”, 13 rajona izguoztuvu rekultivacija, Makašānu omotu vidusškolas byuvdorbu 1.kuorta i cyti objekti.
Cytunedeļ, 21.janvarī, – dīnā, kod pyrma 88 godim Riezekne tika atbreivūta nu lelinīkim, pi nomim pylsātā byus juoizkar valsts korūgi.Sovulaik itaids lāmums par valsts korūga pacelšonu dajemts, jamūt vārā vairuoku pylsātas dzeivūtuoju mutiskus prīšklykumus i 1920.goda 21.janvara viesturiskū nūzeimi Riezeknis, Latgolas i Latvejas viesturē.
Ludzas dūme izsludinovuse atkluotu konkursu iz Ludzas dūmis izpilddirektora vītnīka vakantū omota vītu. Īprīšk Ludzas dūmē itaidas omota vīneibas nabeja, i vajadzeibu pec tuos nūsaceja izpilddirektora veicamuo dorba apjūms.Kai informeja pošvaldeibas izpilddirektors Jānis Cirmans, izpilddirektora vītnīka omota pīnuokumūs ītylpst golvenūkuort dzeivūkļu apsaiminīkūšonas, pylsātas apzaļumūšonas, byuvnīceibas vaicuojumi, kai arī dzeivūtuoju īsnīgumi saisteibā ar īprīškminātajim vaicuojumim.
