Dagdā 100% latgalisks pasuokums

Vakar, 13.janvarī, Dagdas KN zalā nūtyka Dagdys televizejis Jaunuo goda koncerts, kurā pīsadalejuos Rikovys etnografiskais teatris ar izruodi “Večerinka”, Daugavpiļs rajona padūmis kulturys noma folklorys kūpa “Dyrbyny”, jaunais latgalīšu dzīduotuojs Weron Martin, Dagdas nūvoda stuostnīki, muzykanti nu Kruoslovys, Bukmuižys i.c.

Piec oficialuos dalis turpynovās dzīduošona pi svātku golda. Latgalīšu Kuļturys gazeta pasuokuma golvonajam organizatoram Juoņam Platačam pasnīdze nalelu duovonu – krekleni ar LaKuGa.LV simboliku. Ari iz prīšku byusim prīceigi informativi atbaļsteit vysus latgaliskus pasuokumus.