Apsprīžn Preiļu piļsātys apvedceļa byuvnīceibu dīnvydu virzīnī
Preiļu nūvoda dūme nu šudinis da 5.febraļam reikuos Preiļu piļsātysprojekta “Preiļu piļsātys apvedceļa byuvnīceiba dīnvydu virzīnī” jaunuo varianta publiskū apsprīsšonu. Informaceja par projektu byus pīeejama Preiļu dūmis Klientu apkolpuošonys centrā, 2.kabinetā. Lāmums par tuo rezultatim tiks pījimts dūmis kuortejā siedē treis mienešu laikā.“Nordea banka” šudiņ svineis sovys darbeibys paplašinuošonu Latgolys nūvodā, atkluojūt jaunu klientu apkolpuošonys centru Davguopilī. Tys atsarassīs Reigys īlā. Jaunajā klientu apkolpuošonys centrā pilsātys īdzeivuotuoji varās sajmt pylnu bankys pakolpuojumu kluostu.
Nu šudinis da 22.janvaram Jākubpils rajonā teik organyzeits konkurss-aptauja “Jākubpils rajona 2007.goda popularuokīs sportists, sportista, treners i sporta veids”. Konkursa-aptaujis anketys atrūdamys laikrokstūs “Brīvā Daugava” i “Jaunais Vēstnesis” i SIA “Jēkabpils sporta centrs” sātyslopā “www.jekabpilssc.lv”. Aizpildeituos anketys nūsyutamys mineitūs laikrokstu redakcejom vai īsnīdzamys personeygi. Lai atvīgluotu kandidatu izvieli, laikrokstu slejuos i sporta centra sātyslopā izvītuota informaceja par aizvadeituo goda izcyluokīm, sportiskuokīm sasnīgumim Jākubpils rajonā.
Šudiņ Jākubpilī suoksīs i da 15.febraļam turpynuosīs Atteisteibys programmys 2007.-2013.godam Vidis puorskota projekta sabīdryskuo apsprīsšona, Jākubpils dūme jau ir izstruoduojuse atteisteibys programmu 2007.-2013.godam. Tuos strategiskuo daļa paruoda piļsātys turpmuokū izaugsmi, bolstūtīs iz savstarpeji saisteitu nūzaru atteisteibu i tū ītekmi iz apkuortejū teretoreju. Sanuoksme nūtiks šudiņ plkst.17.00, Jākubpils rajona padūmes konferenču zalā.
Šudiņ, Jākubpils rajona padūmis Teritoriālous atteisteibys, tautsaimnīceibys i investiceju komiteja lems par rajona teritorejis plānuojuma 2007. – 2019.godam projekta nūdūšonu sabīdriskajai apsprīsšonai. Savukuort pošvaldeibys Finanšu komiteja sprīss par papyldus leidzekļu daškieršonu Jākubpils sporta centram.
Paguojušajā dīnnaktī guņsgrākā Preiļu rajonā, Agluonys pogostā guojs būjā 18 godus vacs veirīts. Guņsgrāks beja izacielīs kaidā dzeivojamajā muojā 56 kvadratmetru plateibā i vosarys virtuvē 15 kvadratmetru plateibā.
