Nūteik konference “Latvejis i Krīvejis pīrūbežys reģionu sadarbeibys stratēģeja”
Šudiņ (18.12.2007.) Pleskovā Krīvejā nūtiks starptautiska konference “Latvijas un Krievijas pierobežas reģionu sadarbības stratēģija”. Konferencē tiks apsprīstys pīrūbežys rajonu sadarbeibys stratēģiskuos prioritātis, biznesa atteisteiys īspiejis pīrūbežys rajonūs, programmys “Interreg” prioritātis, puorrūbežu sadarbeibys projekti i idejis.Pasuokuma dalinīki analizēs pietejuma rezultātus par Latgolys i Vidzemis reģionu i Ļeņingradys un Pleskovys apgobolu potenciālu transporta i
loģistikys pakalpuojumu atteisteibā i sprīss pa atteisteibys perspektīvom.
Šudiņ Rikovys bārnuduorzā nūtiks rodūšuo dīna Rēzeknis rajona pyrmsškolys izgleiteibys īstuožu pedagogim, kurys laikā ar praktisku pīmāru paleidzeibu tiks skarti vairuoki pedgoģiski vaicuojumi, tymā storpā, kai var paplašynuot i aktivizēt bārnu vuordu kruojumu, īpazeistynojūt bārnu ar apkuortni.
Kravys mašiņu rindys Terehovys i Grebņevys rūbežkontolis punktūs decembrī pīaug kotru godu, i kravys automašiņu ryndu pasalelynuošonuos skaidrojama ar Zīmyssvātku i Jaunuo goda tyvuošonūs.
Rēzeknis dūmis izsludynuotajā konkursā par interesantuokū i šmukuokū Zīmyssvātkim nūformātū skotlūgu i ākys fasādi sajimti apmāram 20 pīsacejumi, īsnīgumi par pīsadaleišonūs konkursā sajimti gon nu privātpersonom, gon juridiskom personom.
Leidz 21. dcembram Vaļsts ašņadonoru centra Latgalis filiālē (VADC LF) nūteik labdareibys nedeļa “Dots devējam atdodas!”, Latgolys radeju informē VADC LF sabīdriskū attīceibu speciāliste Maruta Krustāne.VADC filiālē teik gaideiti visi, kas grib zīduot asni i itaidā veidā paleidzēt daudzim mozim i lelim Latvejis dzeivuotuojim atdabuot veseleibu i dzeivisprīku. Kotrs donors, kas jims daleibu itymā labdareibys pasuokumā, sajims arī suvenīrus.
Šudiņ Daugavpils Universitātis Muzykys i muokslys fakultātis Muzykys teorejis i instrumentu spēlis katedrys docātuoji i studenti aicynoj apmeklēt “Zīmyssvātku koncertu”.
