Apstiprinoj “Austrumlatgales atkritumu apsaimniekošanas sabiedrība” budžetu cytam godam
![](https://lpr.gov.lv/wp-content/uploads/2005/dezuratteli/79.jpg)
A cytunedeļ 29.novembrī, jau deveitū godu pec kuortys Riezeknes augstškolā nūtiks Andrejdīnas literari muzykalais pasuokums.
SIA “Austrumlatgales atkritumu apsaimniekošanas sabiedrība” daleibnīku sapulcē apstiprinuots uzņāmuma budžets 2008.godam, kas ir identisks ituo goda budžetam, – 379 660 lati.Veiktas arī izmaiņis uzņāmuma valdis sastuovā. Tuoļuok uzņāmumu puorstuovēs vīns valdis lūcekls, dašamejais valdis prīšksiedietuojs Aigars Metlāns.Saisteibā ar leidzekļu ekonomeju, strukturas izlobūšonu nu uzņāmuma valdis atbreivūts dašamejais valdis lūcekls Edmunds Teirumnieks.
Šudiņ |Jiekabpilī, relaksacejas centra “Citruss” konferenču zalī, nūtiks projekta “Jēkabpils rajona vispārizglītojošo skolu pedagogu informācijas tehnoloģiju kompetenču paaugstināšana” nūslāguma konference.Konferencē Jiekabpils rajona vyspuorizgleitojošū školu direktori i cyti interesenti tiks informāti par projekta rezultatim i pedagogu īgiutū zinuošonu i prasmju dalītūšonas tuoļuokajom īspiejom kvalitativa vuiceibu procesa organiziešonā.
Riezeknis Tautas teatrs Samaras apgobolā, Pohvistņevas pylsātā, Krīvejā dasadola 2.starptautiskajā amatīrteatru festivalā “Jūsu iznāciens!”, kas nūteik nu šudiņes da 26.novembram. Festivalā dasadaleis amatīrteatri nu Pohvistņevas, Vladimiras, Dimitrovgradas, Saratovas, Toljati i cytom Krīvejas pylsātom. Baltejas valstis puorstuovēs teatri nu Rokišķim (Lītova), Pērnovas (Igauneja) i Riezeknis.
Šudiņ Riezeknis rajona padūmē nūtiks seminars pošvaldeibu darbinīkim “Mūžizglītības iespējas un vajadzības Rēzeknes rajonā 2007.-2013.gadā”.Seminara laikā informies par myužizgleiteibas politikas tendencem Latvejā i Eiropas Savīneibā. Seminara daleibnīki tiks arī īpazeistinuoti ar Latgolas reģiona myužizgleiteibas reiceibas planu, interesenti varies izdūt vaicuojumus i sajemt atbildis par projektu “Latgales reģiona mūžizglītības atbalsta sistēmas veidošana un kapacitātes stiprināšana”.
Cytunedeļ 29.novembrī, jau deveitū godu pec kuortas Riezeknes augstškolā nūtiks Andrejdīnas literari muzikalais pasuokums, kuramā sovu jaunuokū dzeji skaiteis Anna Rancāne, Valentīns Lukaševičs, Linda Kilevica i cyti – vaira i mozuok zinuomi, literarajā lauceņā “īkleidušī” ceļinīki. Muzikalajā daļā itūgod izastuos da Gunchi. Pasuokuma kūpsauciejs ir REMONTS – augstškolas, dvieselis, ceļa, naceļa, teksta itt.