Biznesa inkubatori Latgolā i strukturfondu naudys
Nu šudiņdīnys da 23. novembram Valmīrā, Ventspilī, Jelgovā i Leivānūs Latvejis Investīceju i atteisteibys aģentura reikuos vuiceibu seminārus par 2007. – 2013. goda plānuošonys perioda vaļsts atbolsta programmu “Biznesa inkubatori Latvejis reģionūs”.
Aizreit Daugavpils rajona padūmis kultūrys nomā Latgolys plānuošonys reģiona ES struktūrfondu informācejis centrs sadarbeibā ar Vaļsts reģionāluos atteisteibys aģentūru, Latgalis NVO resursu centru i Eiropys Informācejis centru – Latgale reikoj Latgalis reģiona konferenci par ES struktūrfondim “Mes ejam tyvuok, kab jius tyktu tuoļuok”. Konferencis ītvorūs nūtiks treis semināri pošvaļdeibu puorstuovjim, uzjiemiejim i NVO sektoram par Eiropys Savīneibys strukrūrfondu i cytom finanšu aktualitātem.
Šudiņ desmit stuņdēs Daugavpilī nūtiks moksuotnaspiejeiguos likvidejamuos SIA “Latgalis pīnsaimnīks” kreditoru sapuļce. Sapuļcē paradzāts uzklauseit administratora ziņuojumu par dabuotajim leidzekļim, lemt par bankrota procedūrys pabeigšonu i moksuotnaspiejis procesa izbeigšonu, apstyprynuot administratora izdavumus, kai arī izskateit vairuokus cytus vaicuojumus.
Leidz 2008. goda beigom paradzāts izstruoduot autoceļa Kruoslova-Preiļi-Modūna rekonstrukcejis byuvprojektu. Kūpumā rekonstruēt paradzāts 21. kilometru, rekonstrukcejis byuvprojektu paradzāts izstruoduot leidz 5. i 29 decembram.
Latvejā kotru godu sasamazynojās kultūrys nomu i tymūs dorbojūšūs amatīrmuokslys kolektīvu skaits. Pārn Daugavpilī dorbuojēs 78 amatīrmuokslys kolektīvi, bet Rēzeknē – 45. Jākubpils rajonā dorbuojēs kūpumā 143 amatīrmuokslys kolektīvi, Kruoslovys – 138, Balvu – 122, Rēzeknis – 116, Preiļu – 112, Ludzys – 107, Daugavpils – 87.
