Bioloģiskū lauksaimnīku sanuoksmei nav saisteibys ar izstuodi “Rudins 2007”
Šudiņ pīcūs Reigys pils gerbūņu zalā nūtiks svineiguo Latvejis valsts apbolvuojumu – Atzineibys krystu i Gūda zeimju – pasnīgšonys ceramoneja. Atzineibys krystu pīšķir par izcilu tēvejis mīlesteibu i par nūpalnim vaļsts, sabīdreibys i kulturys dorbā. Caturtuos škirys Atzineibys krystu pīškiers Jiekabpils piļsātys dūmis prīšksādātuojam Leonidam Salcevičam, Pīktuos škirys Atzineibys krystu pīškiers Bolvu rajona Ruguoju pogosta padūmis prīkšsādātuojai Ritai Kremerei i Bolvu muzykys školys direktoram Egonam Salmanim.
Šudiņ Preiļu Lauksaimnīku apvīneiba Preiļu rajona Sutru pogosta kultūrys nomā organizej Latgolys nūvoda bioloģiskū lauksaimnīku sanuoksmi “Lauku atteisteiba – bioloģiskuo lauksaimnīceiba – laiku grīžūs”. Sanuoksmē runuos par Latgolys planuošonys reģiona lauku atteisteibys virzīnim, par Latvejis bioloģiskū lauksaimnīku asociacejis bīdru veikumu, par programmu “Bioloģiskuos lauksaimnīceibys produktu tierga atteisteiba”.
Šudiņ Kruoslovys rajona padūmis telpuos nūtiks seminārs “Atbolsta īspiejis komercsabīdreibom”. Seminārā tiks diskutāts par zynuošonu lītuošonu i inovatīvu uzjiemiejdarbeibu kai atslāgu reģiona atteisteibai, jaunys inovatīvys uzjiemiejdarbeibys veiduošonu. Pasuokuma daleibnīku uzmaneibai tiks pīduovuoti arī uzjiemieju veiksmis stuosti par ES struktūrfondu projektu īvīšonu.
Šudiņ Leivānu 1.vydusškolā vaļsts svātkim veļteitā pasuokumā nūtiks jaunys, 14 minotu garys videofilmys par Leivānim pyrmizruode. Veideofilmys autori ir leivānīts uorsts Česlavs Mazulis i Leivānu nūvoda dūmis Investīceju i atteisteibys daļis vadeituoja Marika Rudzīte. Filma topuse INTERREG III C projekta “City to city” laikā.
No šodienas līdz 18.novembrim Krāslavā notiks vairāki Latvijas proklamēšanas gadadienai veltīti pasākumi, Šodien plkst.14 Krāslavas Vēstures un mākslas muzejā tiks atklāta ekspozīcija “Pieci airi”, kas stāsta par Krāslavas novada vēsturi. Ekspozīcijā būs apskatāmi dažādi dokumenti, fotogrāfijas, grāmatas, arheoloģiski atradumi. Apskates materiāli atradīsies vitrīnās, kas izvietotas speciāli šim nolūkam uzbūvētā 17 metrus garā laivā – pilsētas simbolā.Divas stundas vēlāk – plkst.16 – Krāslavas kultūras nama foajē tiks atklāta Rēzeknes mākslas skolas audzēkņu darbu izstāde.
Rēzeknē Latgolys kultūrviesturis muzeja izstuožu zalā četrūs atkluos Latgolys muokslinīku dorbu izstuodi “Rudins 2007”. Izstuodē ar sovim dorbim dažaiduos tehnikuos pīsadola 50 muokslinīki, golvonūkuort nu Rēzeknis i rajona, bet sovus dorbus izstuodeis arī muokslinīki nu Ludzys, Modūnis, Preiļim, Bolvim, Reigys. Bet sešūs Rēzeknis piļsātys kultūrys nomā nūtiks svineigs pasuokums “Veļtejums muzykā i dzejā”. Tuo ītvorūs tiks sveikts ituo goda Rēzeknis gūda pilsūns Pīters Keišs, pasnīgti dūmis atzineibys roksti i Valērejis Seilis bolva.
Daugavpils Nūvadpietnīceibys i muokslys muzejā četruos stuņdēs kai veļtejums Latvejis proklamiešonys 89. godadīnai tiks atkluota svečturu izstuode “Guņsputni”. Iztuodē byus apskatomi 21 Latgalis ķeramiķa dorbi. Kai informē Daugavpils dūmis Kultūrys nūdaļā, itik daudz Latgalis muola meistaru dorbu apkūpuojumu vīnā vītā tyvuokajūs godūs dīz voi byus īspiejams vāruot.
