Latgolys Radejis zinis (26.10.2007.)
Kruoslovā šudiņ i reit nūtiks zynuotniskuo konference “Latgolys poguotne, tagadne i nuokūtne”. Konferencis uzmaneibys centrā itūreiz byus grafu Plateru dzymta i jūs īguļdejums Latgolys viesturis pietnīceibā. Konferencē tiks diskutāts arī par vuocu izcelsmis boltvuocīšu viesturnīku dorbim i jūs darbeibys motivaceju. Konferencis dalinīkim byus īspieja nūsaklauseit referatus i prīkšlasejumus par Latgolys volūdys, litereturys, religejis, viesturis, tautsaimnīceibys i kulturys vaicuojumim. Reit konferencē nūtiks diskuseja par latgalīšim i latgaliskū.Šudiņ Daugavpilī turpynojās IgaunejisRepublikys uorkuortejuo i pylnvaruotuo viestnīka Jāka Jērita vizeite. Igaunejis viestnīkam paradzāta tikšonuos ar Daugavpils dūmis prīkšsādātuoju Ritu Strodi. Piečuok viestnīks apmeklēs krīvu liceju i īpasazeis ar Pūļu kultūrys centra darbeibu.
Šudiņ Jākubpilī viesnīcā “Hercogs Jēkabs” stuosteis par pīredzi Eiropys Savīneibys Struktūrfondu projektu īvīšaonā. Informēs par vaļsts atbolsta programmom nu 2007. da 2013. godam:„Atbalsts ieguldījumiem mikro un mazo komersantu attīstībā īpaši atbalstāmajās teritorijās”, „Atbalsts nodarbināto apmācībām”, ”Augstas kvalifikācijas darbinieku piesaiste”, sovukuort vairuoki uzjiemieji daleisīs pīredzē Struktūrfondu apguvē.
Šudiņ tiks svineigai atkluots Šengenas konvencejas finanšu programmas laikā izbyuvietais Valsts rūbežsardzis (VRS) Ludzas puorvaldis Aviacejas bazis komplekss.Svineiguo pasuokuma laikā kluotasūšūs īpazeistinuos ar divejim jaunim helikopterim, kurī īsaguoduoti Šengenas konvencejas finanšu programmas gaitā.
Leivānu nūvoda dūme šudiņ, Inžinīrtehnoloģeju i inovāceju centrā, organizej tikšonūs ar nūvoda īdzeivuotuojim. Diskusejā pīsadaleis pošvaļdeibys vadeiba, deputāti, Sociāluo dīnesta omatpersonys, Leivānu policejis īcirkņa vadeiba, kai arī 9. Saeimys deputāts Jānis Klaužs.
Vaļsts rūbežsardzis koledžā Rēzeknē divpadsmit stuņdēs teik organizāta zvārasta pījimšona nu Vaļsts rūbežsardzis koledžys Rūbežsorgu školys kadetim, kurī uzsuoka vuiceibys ituo goda septembrī. Zvārastu par uzticeibu Latvejis Republikai dūs pyrmuos vuiceibu rūtys 60 i 2. vuiceibu rūtys 21 kadets.
Šudiņ Preiļu kultūrys nomā četrūs nūtiks Preiļu Viesturis i lītišķuos muokslys muzeja organizātuo muokslinīku plenēra “Preiļi. Rudins 2007” nūslāguma pasuokums i piļsātys dzeivuotuoji i citi interesenti varēs īpazeit ni tikai Preiļu pilsātu i nūvodu muokslinīku redziejumā, bet arī tiktīs ar pošim muokslinīkim.
Šudiņ plkst. 17 byuvnīceibas nomā „Kurši”, Daugavpils rajonā Naujenes pogostā, Vecstropūs, nūtyks pyrma mieneša Ludzas rajona Malnovā i Kuorsovā safilmāto grupys “Borowa MC” klipa „Baba Toņa inženers” prezentaceja. Pirciejim „Kuršos” byus arī pusstuņdi garš „Borowa MC” koncerts.
