Bez tēmas 

Izgleiteibys ministrejā vyss nūteik klusai

Kai LaKuGa.LV jau raksteja, Latvejis Republikys Izgleiteibys i zynuotnis ministrejā izveidota dorba grupa, kab izstruoduotum prīkšlykumus latgalīšu volūdys sorguošonai i atteisteišonai. Ari myusim, latgalīšim, juobyun gotovim, ka sevkurā momentā var kaids papraseit prīkšlykumus.


Koč ari juosoka Latgolys Studentu centra guodus vēļ nivīns nu ministrejis nav prasejs.

Tak, lai apkūpuotu informaceji, aicynojam iz e-postu: lakuga@latgale.lv syuteit Jiusim zynomuos zinis par itaidim vaicuojumim:

  1. Politikys dokumenti, kuramūs īkļauts vaicuojums par latgalīšu volūdu (maņ zynoms ir Vaļsts volūdys lykums, bet vēļ asūt nazkaidi starptautiski dokumenti – voi Jiusim taidi zynomi?),
  2. Pasuokumi i aktivitatis, kurys veiktys kaidā nu vaļsts institucejom leidz 2007.godam latgalīšu volūdys saglobuošonā, aizsardzeibā i atteisteibā (ite byutu labi apkūpuot informaceji taišni par vaļsts instituceju (bez)darbeibu, sabīdriskuo sektora aktivitatis nav vaļsts īguļdejums, deļ tam itamā gadejumā iz lītu naatsatīc),
  3. Kaidi pasuokumi, piec Jiusu dūmom, byutu vaļsts institucejom juoveic 2008.-2010.godā i kaids finansejums tam byutu juoparadz?

Jiusu informaceja var byut cīš svareiga!