Pyrmais latgalīšu pikets

22.septembrī Reigā nu plkst. 9:00 leidz 10:00 pi Latvejis Universitatis golvonuos ākys īejis Raiņa bulvarī 19 nūtyka pikets, kura mierkis beja pīvērst sabīdreibys uzmaneibu latgalīšu volūdys stuovūkļam Latvejā i dabuot latgalīšu volūdai regionaluos volūdys statusu. Pīduovojam puors fotošaļtenis nu piketa…

Piketa organizators – Latgolys Studentu centra Vaļdis lūceklis Mareks Gabrišs.

Tai kai itymā pošā dīnā Latvejis Universitatī Lelajā aulā „Eiropys Volūdu dīnys 2007” ītvorā nūtya konference volūdu školuotuojim, tod leluokuo daļa piketa auditorejis beja taišni školuotuoji, kas steidzēs iz konferenci.

Tuos pošys dīnys pl.14:00 LU Lelajā aulā nūtyka uzvadums par gūdu Volūdu dīnai. Uzvadumā daleibu jēme ari Jurs Viļums, kai ari Verners Martinovs nūdzīdova vīnu nu sovom jaunuokajom dzīsmem! Uzvaduma laikā tyka demonstrāta ari filmeņa par latgalīšim nu DVD “Rēzeknes Hīti”.