Biruta Ozoliņa i grupa “Patina”

Vakar maņ pasalaimie byut Dagdā, kur divuos stuņžuos piec pušdiņu suocēs Birutys Ūzulenis (Biruta Ozoliņa) i grupys “Patina” koncerts. Īejis moksa beja pavysam simboliska: 1.00Ls

Koncerts kvalitativs i prīca, ka Biruta daudzejis dzīsmis jūprūjom izpylda latgaliski – kūpā ar grupys “Patina” džeza melodejom veidojās breineigs, kai jī poši sauc, etno-džeza skaniejums.

Varu pīduovuot puors fotošaļtenis nu koncerta, lai gon izreiz atsavainojūs, ka tuos nav puoruok lobys – tys deļ tam, ka fotografieju ar kuļdinīka (mobiluo telefona) fotokameru.

Lakuga.LV pyrms tam paspē painformēt, ka itaids koncerts byus Preiļūs (tī jis arī vakar vokorā nūtyka), bet par puorejom koncertu vītom, Dīvam žāļ, da myusim informaceja nabeja nūnuokuse. Iz prīšku vysus aicynoju ziņuot par vysaida veida koncertim, pasuokumim, kas saisteiti ar latgaliskū, iz e-postu: lakuga@latgale.lv.