Masu mediju puorstuovim teik ruodeita Latgola

Projekta “Jauna tūrisma galamērķa radīšana, apvienojot Latgales un Rytu Aukstaitija pierobežas reģionu piedāvājumu” eistynuotuoji i daaicynuotī masu mediji šudiņ dūsīs iz Bolvu rajona ZS “Saipetnieki”, kur paradzāta īpazeišonuos ar senlītu kolekceju. Piečuok braucīna maršutā īkļauts muzykys instrumentu darbneicys Gaigalovā, Aglyunys maizis muzeja, Slustišķu vacticeibnīku sādžis, Sventes muižis i Tanku muzeja apmeklejums.

Nu šudinis da 14. septembram Daugavpilī nūtiks Dzejis dīnu pasuokumi. Šudiņ pl.12. 00 Daugavpiļs bārnu bibliotekā suoksīs Bārnu dzejis svātki, bet pl.15.00 Dzejis dīnu dalinīki nūliks zīdus pi Krišjuoņa Plīkšāna (Raiņa) kopa. Godskuortejuo kruojuma “Dzejis dīnys 2007” atdareišona paradzāta sešūs vokorā Daugavpiļs cītūksnī Arsenala ākā.

Šudiņ nu 19.00 da 23.00 stuņžu Reigā, Mozajā giļdejā nūtyks “Maskačkys spieļmaņu” divpadsmit godu jubileja bals.. spieļuos “Maskačkys spieļmaņi”, “Syrūbi”, “Laiksne” i Danču kluba muzikanti.

Jūprūjom saglobojuos lelys kravys automašinu rindys iz Latvejis- Krīvejis rūbežis. Šūreit pl. 7. Terehovys rūbežkontrolys punktā izbraukšonu nu vaļsts gaideja 620 mašinys, kas ir par 50 vaira nakai pirmudīnys reitā. Sovokuort Grebņovā šureit rindā gaideja 480 kravys automašinys, kas ir par 5 vaira naikai vakar. Da šam garuokuo rinda iz rūbežys izaveidova 16. augustā, kod Terehovā rindā gaideja 1700 kravys automašinys.

”Latvijas Gāze” (LG) ir nūsyutejuse atguodinuojumu par breidinojumu Rēzeknis piļsātys dūmei i AS ”Rēzeknes Siltumtīkli”par gāzys padeves puortraukšonu tuos divejom kotlumuojom. Gāzys atsliegšona saisteita ar izaveidovušūs porodu. Ja tys natiks nūmoksuots šudiņ, gāzys pīguode tiks puortraukta šudiņ pl. 15.00. Gāzys padeve tyks atjaunūta, ja tiks piļneibā samoksuots porods par juļa mienesē patārātū gāzi. Rēzeknis dūmys prīkšsādātuojs Juris Guntis Vjakse esūt ticīs ar AS “Latvijas gāze” puorstuovjim i lyudzs gāzys padevi napuortraukt.

Par speiti nalelajam studātgrybātuoju skaitam, studejis Rēzeknis Augstškolys filialē Madūnā suoksīs jau ītūgod. Dreizumā augstškolys filialē studejos uzsuoks pyrmuo leimeņa profesionāluos augstuokuos izgleiteibys studeju programmys “Būvniecība” un profesionālās maģistra studiju programmas “Tiesību zinātnes” studenti. Kūpumā Madonas filiālē pirmajā darbeibys godā interesi par pīduovuotojom programom izruodejuši 45 potencialī studenti.

Pīktdiņ, 14. septembrē, byus slāgta Pilsūneibys i migracejis lītu puorvaļde Preiļu rajona nūdale, kas atsarūn Preiļūs, A. Paulāna īlā 3a. Bet jau pirmudīn, 17. septembrē, klienti sajims pakolpojumus jaunajuos telpuos – Preiļūs, Rēzeknis īlā 26.