Daugavpilī puļcejās Latgalis vītejū pošvaļdeibu vadeituoji
Šudiņ vīņpadsmit stuņdēs Daugavpils dūmē iz Latgalis plānuošonys reģiona atteisteibys padūmis kūpsapuļci puļcēsīs vaira nakai 130 Latgalis vītejū pošvaļdeibu vadeituoji, kab puorrunuotu aktuālūs administratīvi teritoriāluos reformys vaicuojumus. Paradzāts, ka Latgalis pošvaļdeibu vadeituojim diskusejis laikā atbiļdis snīgs reģionāluos atteisteibys i pošvaļdeibu lītu ministrs Aigars Štokenbergs i ministrejis vaļsts sekretārs Arvīds Pīlēģis
Taipoš kai vakar, arī šudiņ Rēzeknis centrā tiks reikuota mozeņka uguņuošona, kuruo byus kai īvods reit, 1. septembrī, paradzātajam Baltejis valstu uguņuošonys festivālam “Uguns paparde 2007”. Itūgod festivāla gostim byus īspieja tiemēt uguņuošonys prīkšnesumus, kū demonstrēs Baltkrīvejis, Īrejis, Lītuvys, Igaunejis i Latvejis pirotehnikys kompānejis. Teik sūleits īspaideigs lāzeršovs i īpašs akrobātu šovs.
2011.godā Daugavpils Universitātē nūtiks pīcpadsmitais Eiropas skrejvabaļu pietnīku kongress. itaids lāmums dajemts Bulgārejas pylsātā Blagojevgradā nūtykušajā treispadsmitajā Eiropas skrejvabaļu pietnīku kongresā..Vabaļu pietnīceibas nūzarē Baltejā itys byus pirmais itaida mārūga pasuokums.
Ludzā iz itū šaļti tikai vīnys daudzbārnu saimes treis bārnim dašķiertys breivpušdīnis vispuorizgleitojušuos školuos.Breivpušdīnis Sociāluos paleidzeibas nūdaļa dašķir iz vacuoku rakstiska īsnīguma i izziņis par saimes sastuovu pamota. Par daudzbārnu saimem izskotuomys tuos, kuramuos ir treis i vaira bārnu. Arī tryuceigū saimju bārnim teik dašķiertas breivpušdīnis. Itamā šaļtī tuom ir dazasacejuš 48 bārni.
Eiropys Mobilitātis nedeļys laikā, nu 16. leidz 22. septembram, Leivānu nūvoda dūme i Vidis aizsardzeibys fonds aicynoj īdzeivuotuojus nūmaineit īrostū automašini pret veseleiguoku i modernuoku braucamū – ritini, Latgolys radeju informē Leivānu nūvada dūmes sabīdriskū attīceibu speciāliste Ginta Kraukle. Eiropys komiseja sastū godu reikoj Eiropys Mobilitātis nedeļu, kurys laikā teik organizāta kampaņa “Piļsāta bez auto!”