Daugavpilī diskutej par industrialuo montojuma saglabuošonu
Šudin Daugavpils rajona padūmē, Dīnvidlatgolas pošvaldeibu vuiceibu centra ustabuos, nūtiks industrialuo montojuma saglobuošonu vaicuojumim velteits seminars, kuruo daleibnīki tiks informāti par projektu “Industriālais mantojums tūrisma un biznesa attīstībai – TURBINE”. Seminara daleibnīki pīsadaleis prezentacejā “Labās prakses piemēri industriālā mantojuma saglabāšanā un izmantošanā pasaulē”, izklauseis informaceju par TURBINE projektā Latgolas i Zemgolas reģionūs padareitū – izpietis objektim, problemom, risinojumim i varamū turisma maršrutu, kai arī pīsadaleis diskusejā.
Šudin Gulbenē īsarass tūpūšuo Dagdas nūvoda puorstuovi ar mierķi īsapazeit ar Gulbenes nūvoda izveidis gaitu.Gulbenē nu tūpūšuo Dagdas nūvoda pluonojuš īsarast 27 cylvāki.Dagdas nūvodā paradzāts apvīnūt Dagdas pylsātu, Andrupenis, Andzeļu, Asūnis, Bierzeņu, Dagdas, Azarnīku, Konstantinovas, Ķepovas, Svariņu i Šķaunis pogostus.
Nu 10.septembra da 24.septembrim Bolvu rajona Šķilbēnu pogostā, Balkanu dobas parkā, nūtiks starptautiskais tālnīku i glaznūtuoju pleners “Balkani 2007”. Muokslinīku plenērā pīsadaleis Latgolas i Lītovas kūktālnīki i glaznūtāoji, kas itamā godā kūkā i audeklūs paredziejuš īmyužinuot Balkanu dobas parka apveitū teiku tālus.
Daugavpils rajona padūmis deputati nūliemuš izsludinuot konkursu “Gada cilvēks”. Dasaceit pretendentus konkursam varies nu 1.septembra da 31.oktobrim. Dasacejumi par izvirzeitajim kandidatim i materiali, kas raksturoj jū darbeibu, īsnīdzami Daugavpils rajona padūmes Lītu puorvaldē.
Beidzamajā dīnnaktī krovas mašinu rynda iz Latvejas i Krīvejas rūbežas Terehovas rūbežkontrolis punktā sazamozinuojuse, bet Grebņevā – pasalelinuojuse.Itamā reitā Terehovā ryndā gaideja 820 krovas mašinas, kas ir par 130 mašinom mozuok nakai ūtrdiņes reitā. Sovukuort Grebņevā itamā reitā ryndā gaideja 430 krovas mašinas, kas ir par 70 mašīnom vaira nakai vokor.
