Atjaunuotai Latgolys Mārai – 15 godi
Itūgod 13.augustā Rēzeknē tiks svynāta Latgolys atbreivuošonys pīminekļa “Vīnuoti Latvejai” atjaunuošonys 15.godskuorta. Pasuokumā daleibu jims riezeknīši, arī gosti nu uorzemem, svātceļnīki, kuri itymā dīnā jau dūsīs iz Aglyunys Dīvmuotis svātkim. Pīminekļa uorejuo veidūla atjaunuošonai Rēzeknes dūme pīškira 7500 latus.Šudiņ Jākubpils rajona padūmi dorba vizitē apmeklēs regionaluos atteisteibys i pošvaļdeibu lītu ministrs Aigars Štokenbergs. Vizitis mierķs ir tiktīs ar rajona pošvaļdeibu vadeituojim, kab turpynuotu konsultacejis par nūvodu veibuošonu.
Šudiņ Daugavpilī, vīsneicys “Dinaburga” konferenču zalā nūtiks konference “Cylvākresursi Austrumlatgolys dorba tiergā”, kū reikoj Daugavpils piļsātys dūme sadarbeibā ar pietnīceibys kompaneju “Data Serviss”, tei nūteik Eiropys Socialuo fonda finansātuo projekta ītvorā. Konferencē tiks prezentāti pietejuma – “Cylvākresursu kai dorbaspāka pīejameibys analize Austrumlatgolys dorba tiergā” – rezultati.
Reit Preiļu piļsātys svātkūs 25 dzeivuotuojim, kurī dažaiduos jūmuos ir davuš palīkūšu īguļdejumu piļsātys atteisteibā, tiks pasnīgti Preiļu nūvoda dūmis atzineibys roksti.
Raiņa sātā Berkenelē, Daugavpils rajona Kalkūnis pogostā, šudiņ atkluos grenlandīšu muokslys izstuodi “Kvadrofonija”. Izstuode atceļuojuse nu Danejis, tū atveds Latvejā labi pazeistamais Grenlandē dzeivojūšais potograps Ivars Sīlis, kura dzymtuo puse ir Modūna. Iztuode pīduovoj īspieju īsapazeit ar eksotiskū Grenlandi potograpejuos i muoklsys dorbūs četru muokslinīku, kurus sovā storpā vīnoj saimis saitis, skatejumā.
Itū svātdiņ pl.13:00 Ludzys rajona Malnovys pogostā, muižys parkā, tiks atkluots Ludzys rajona folklorys kūpu i etnogrāfiskūs ansambļu festivals “Gorūza 2007”. Festivāla nūrise sadaleita treis pūsmūs – vadmotivūs, kas simboliski atspūguļoj dzīsmis lūmu i nūzeimi latgalīša dzeivē i liktinī.
