Otkon ryndys pi Latvejis-Krīvejis rūbežys
![](https://lpr.gov.lv/wp-content/uploads/2005/dezuratteli/79.jpg)
Pyrmajā studentu izjimšonys dīnā studejom Rēzeknis Augstškolā pīzateikuš 110 studietgrybātuoju, kas ir divejis reizis vaira nakai paguojušuo goda pyrmajā uzjimšonys dīnā. Vysleluokū interesi studenti izruodejuši taiduos studeju programmuos kai “Byuvnīceiba” – 25 cilvāki, “Vidis dizains” – 18, “Finanšu i gruomatvedeibys vadeiba” i “Tūrisma i vīsneicu uzjiemiejdarbeibys vadeiba” – 35. .Rēzeknis Augstškola itūgod pīduovoj studejis 450 budžeta vītuos.
Projekta “Pasauļs sīna” autori 26.julī pl.11:00 Rudzātu pogosta padūmē iz tikšonūs aicynoj pogosta dzeivuotuojus i vysus cytus interesentus, kab kluotinē pastuosteitu par projektu i atbildātu iz dzeivuotuoju interesejušim vaicuojumim.
Nu šudines da 25.juļam Karjerys dīnu gaitā Latvejis laukūs teik svināta Mada nedēļa. Dīnys gaitā byus īspieja īsapazeit ar biškūpeibys dorba specifiku, rast atbiļdis iz vaicuojumim, pīsadaleit interesantuos atrakcejuos i nūpeļneit vierteigys bolvys.
Reit laikā 13:00-14:00 Leivuonu svātuo Mikeļa Erceņgeļa Rūmys katuoļu bazneicā ticeigajim byus unikala īspieja – stuņdi lyugtīs i gūdynuot svātuos Terēzis relikvejis.
Pīktdiņ Jiekabpiļs rajona padūmi apmeklies regionaluos atteisteibys i pošvaļdeibu lītu ministrs Aigars Štokenbergs. Vizitis mierķs ir tiktīs ar rajona pošvaļdeibu vadeituojim, kab turpynuotu aktivys konsultacejis par nūvodu veiduošonu.
Laika prognozs šudinei Latgolā. Muokoņains laiks, šaļtim skaidruosīs. Dīnys pyrmajā pusē eislaiceigs leits, pārkiuņa nagaiss. Dīnvidrītumu, rītumu viejs 4-9 metri sekuņdī. Maksimāluo gaisa temperatura dīnā +24…+26º