Vaļsts kanceleja sajiemuse LgSC viestuli
Šudiņ (27.06.2007.) atguojuse viestule nu Vaļsts Kancelejis, kas informej, ka Latgolys Studentu centra (LgSC) viestule par latgalīšu rokstu volūdys saglobuošonu, aizsardzeibu i atteisteibu sajimta i nūsyuteita ministrejom prīkšlykumu īsnīgšonai.
Vaļsts kanceleja informej, ka viestule pi jīm sajimta i registrāta 4.junī, bet 18.junī tei nūsyuteita izgleiteibys i zynuotnis ministrei B.Rivžai un tīslītu ministram G.Bērziņam “prīkšlykumu īsnīgšonai” Ministru prezidentam saisteibā ar viestulē mynātū. Kai ari nūsyuteita Latvejis Vaļsts prezidenta kancelejai, Saeimai, kuļturys ministrei H.Demakovai i sevišku aizdavumu ministram sabīdreibys integracejis lītuos O.Kastēnam zynuošonai.
Tagad gaideisim kaidus prīkšlykumus sagataveis ministrejis i kū tod atbiļēs A.Kalveiša kungs.
Informaceju sagataveja:
Juris Viļums
![](https://lpr.gov.lv/wp-content/uploads/2007/lgsc-q3o7/502.jpg)