Izmainis viļcīņu kusteibys sarokstā
26.julī slīžu remonta laikā dzelzceļa pūsmā Līlvuorde-Skreiveri nūsaceitys izmainis Aizkrauklis, Krustpiļs, Rēzeknis i Daugavpiļs viļcīņu kusteibys sarokstūs.Izmainis nūsaceitys ari 27.junī un 3.julī. Maineits viļcīņu Reiga-Rēzekne, Reiga-Krustpiļs i Reiga-Aizkraukle saroksts.Šudiņ Bolvu rajona lauksaimnīki aicynuos interesentus iz Lauku dīnu, kas nūtiks Bolvu rajona Ruguoju pogostā. Dīnys gaitā planuots īsapazeit ar gurķu audziešonu plēvis syltumneicuos, dzierveņu, kriummelņeicu audziešonys eipatneibom, apskateit graudaugu, rapša, lucernys siejumus, augļu duorza īreikuošonu komercnūliukā i brīžu audziešonys aplūkūs.
Leivuonūs nūtiks starptautiska konference “Bioenergetika i nanotehnologeju izmontuošonys perspektivys Latvejā”, kū organizei Eiropys Regionaluo atteisteibys bīdreiba sadarbeibā ar Leivuonu inžinertehnologeiju i inovaceju centru. Pīredzē ar Latvejis puorstuovim daleisīs bioenergetikys specialisti nu Vuocejis kompanejom, kai ari zynuotnīki nu Hemnicys tehniskuos
universitatis Vuocejā.
Daugavpiļs dūmis mozajā zalā nūtiks cītūkšņa detalplanuojuma pyrmuos redakcejis sabīdriskuos apsprīšonys sapuļce. Pīsadaleit sapuļcē ar prīkšlykumim i īrūsynuojumim aicynuoti zemis i byuvju eipašnīki, kai ari cyti interesenti. Sabīdryskuos apsprīsšonys ūtrais pūsms iļgs da 2.juļam. Ar sabīdryskuos apsprīšonys materialim interesenti var īsapazeit Daugavpiļs dūmis foaje.
Šudiņ nūtiks pyrmuo Latvejis i Krīvejis muitys administraceju dorba grupys sanuoksme, kas izveiduota kūpeigai rūbežškārsuošonys un tīseibaizsardzeibys vaicuojumu rysynuošonai. Dorba grupys pyrmuo sanuoksme nūtiks Latvejis
teritorejā, Terehovys muitys kontrolis punktā.
