Aizturāti 134 šoferi
![](https://lpr.gov.lv/wp-content/uploads/2005/dezuratteli/79.jpg)
Rēzeknis Augstškolys i Tautys muzykantu bīdreibys kūpeiguo projekta „Lauka pētījumi Krāslavas rajona Indras pagastā – tradīcijas, valoda, kultūrvide” ītvorā, 27 cylvāku grupa nu šudines da 1. juļam struoduos Kruoslovys rajona Indrys pogostā. Filologi, viesturnīki, volūdnīki, folkloristi tiksīs ar pogosta dzeivuotuojim i censīs saprast kai tod Indrys pogostā dzeivova cylvāki da Ūtrajam pasauļa karam, kara laikā, padūmju godūs i kai dzeivoj šudiņ; pīraksteis atmiņu stuostejumus i dzeivisgudreibys, mož ka pat īsavuicēs kaidu seneju omotu.
Leivuonu nūvoda vīglatletikys sporta veteranim pošvaldeiba pīškieruse 120 latus dalejai izdvumu segšonai dūdūtīs iz 17.Pasauļa čempionatu seniorim vīglatletikā. Čempionats nu 4.da 15.septembram nūtiks Italejis piļsātā Riccione. Sportistu lyugumu piec finansiala atbolsta apstyprynuovuse Leivuonu nūvoda dūmis Socialūs, izgleiteibys i kulturys vaicuojumu komiteja. Latvejis vaļsts izlasis sastuovā pasauļa čempionatā starties septeni Leivuonu nūvoda vīglatleti: Leontīne Vītola, Vija Māsāne, Daiga Zvejniece, Mārīte Vilcāne, Jānis Māsāns, Vladimirs Poļakovs i Gunārs Mīkulis.
Nu 27. da 29.juļam Daugavpiļs lada hallē nūtiks starptautisks hokeja turnirs “Daugavpiļs kauss”. Turnirā pīsadaleis: laukuma saiminīki Daugavpils hokeja komanda “Latgale”, Boltkrīvejis ekstraleigys 5.vītys īgivieja Novopolockas “Himik-ASK”, Kazahstanyas izlasis bāzis komanda, Krīvejis augstuokuos leigys čempionata daleibnīce Ustj-kamino-gorskas “Torpedo” i Latvejis vicečempioni Ūgres ASK. Komandys, turnira daleibnīces, vīnā rinčī tiksīs kotra ar kotru. Par “Daugavpiļs kausa” īgivieju klius komanda, kas turnirā byus izceinejuse vysvaira punktu. “Daugavpiļs kauss” klius par pyrmū itaidu hokeja turniru Daugavpilī.
Piec nedelis nūgalis, kod kravys mašynu ryndys iz Latvejis i Krīvejis rūbežys pasalelynuojuos, tuos otkon samozynuos. Itūreit Terehovā izbraukšonu nu vaļsts gaideja 490 kravys mašynys, kas ir par 110 mašynom mozuok nakai svātdines reitā. Sovukuort Grebņevys rūbežkontrolis punktā itūreit ryndā gaideja 105 kravys mašynys, kas ir par 40 mašynom mozuok nakai svātdines reitā.
Jau ziņuots, ka 30.majā Terehovā ryndā gaideja 1500 kravys mašynu. Tei beja da šam garuokuo rynda.
Laika prognozs šudinei Latgolā. Daleji muokūņains laiks. Vvītom nalels eislaiceigs leits, dīnā varams pārkiuņa nagaiss. Niu vītom mygla ar radzameibu 500-1000 metru. Rītumu, zīmeļrītumu viejs 3-8 metri sekuņdī. Maksimaluo gaisa temperatura dīnā +21 +24.