Guņsdziesieji īklivuši ceļu satiskmis nagadejumā

Nedelis beiguos Daugavpilī ceļu satiksmis nagadejumā īklivuši diveji Valsts guņsdzieseibys i gluobšnys dīnesta darbinīki. Guņsdziesieji cītuši, kod apguozusēs jūs vadeituo guņsdzieseibys cisterna. Nagadejums nūtics, kod leikumā iz ceļa izskriejs dzeivnīks, i guņsdziesiejim daguojs straujai bremzēt.

Nazaverūt iz ilgstūši korstū laiku, Rēzeknis rajonā dzaramuo iudiņs i paldiudiņs kvalitate kūpumā ir loba i atbylst normai. Rēzeknis piļsātys dzaramajā iudenī kai vysod dzelzs ir drusku vairuok, tak kūpumā iudiņs kvalitate ir apmīrynūša.

Rēzeknis pilsātā i rajonā nu sezonays suokuma da 11.juņam registrāti 115 ierču pīsyukšonuos gadejumi. Nu tim aizdūmys par ierču encefalitu beja četrim pacientim, tak encefalita diagnoze naapsatiprinova. Vys veļ Rēzeknis pusē saslimšonys ar ierču encefalitu nav.

Nu 14. da 16.juņam Vuocejis golvyspiļsātā Berlinē nūtiks Globalais sīvīšu samits, kuramā pīsadaleis Valsts prezidente Vaira Vīķe-Freiberga i vairuokys Latvejis komersantis. Bīdreiba “Līdere” ir uzajāmuse koordinejūšū lūmu, kab nūdrūšynuotum Latvejis biznesa i navalstiskūs organizaceju aktivuokūs sīvīšu leidzdaleibu samitā.

Laika prognozs šudinei: daleji muokūņains laiks. Dīnā nalels eislaiceigs leits, varams pārkiuņa nagaiss. Zīmeļu viejs 2 -7 metri sekuņdīē, pārkiuņa laikā bruozmains, maksimaluo gaisa temperatura dīnā: +23…+26°.