Rēzeknis rajonā brauc pruoteiguok
Laika pūsmā nu 30.apreļa leidz 6.majam atļautuo braukšonys uotruma puorkuopieju skaita vysmozuokais pīaugums nūvāruots autoceļa Daugavpils-Grebņeva Rēzeknis rajona pūsmā – 1,1%, bet vysvaira uotruma puorkuopieju uzskaiteiti iz Līpuojis šosejis Līpuojis rajonā, līcynoj VAS “Latvejis vaļsts ceļi” apkūpuotī satiksmis uzskaitis dati.Rēzeknis tīsa šudiņ plānuojuse turpynuot skateit kriminallītu, kuramā par 18 godus vaca jaunīša nūtrīkšonu, braucūt alkahola reibumā, apsyudzāts bejušais Bolvu rajona Policejis puorvaļdis policists Aigars Pužulis. Jau ziņuots, ka Bolvu Kriminalpolicejis bejušajam inspektoram Pužulim, kurais pārn martā nuovejūšai nūtrīce jaunīti, apsyudzeiba calta par ceļu satiksmis nūsacejumu i transportleidzekļu ekspluatacejis nūsacejumu puorkuopšonu alkohola, narkotiskūs, psihotropūs, toksiskūs ci cytu apreibynūšu vīlu ītekmē. Kod sprīdums itamā lītā byus stuojīs lykumeigā spākā, tiks skateita ūtra līta – par pīruodejumu vyltuošonu, par kū apsyudzeibys uzruodeitys treis bejušajim Bolvu policistim, kurus vainoj kolegys pastruoduotūs nūzīdzeigūs nūdarejumu pīsegšonā.
Čehu Republikys pylnvaruotais viestnīks Jans Finferle reit Rēzeknis Centralajā bibliotekā atkluos izstuodi “Latvīšu i čehu literarī sakari”. Izstuode jau ir bejuse Modūnā, Alūksnē, Aizkrauklē i Ūgrē. Rēzekne ir septeituo Latvejis piļsāta, kurā īdzeivuotuoji varēs vairuok uzzynuot par čehu literaturu i kulturu.
