Struope dadzynuotuojim
![](https://lpr.gov.lv/wp-content/uploads/2005/dezuratteli/79.jpg)
Daugavpilī šudiņ suoksīs starptautiska studentu zynuotniski praktiska konference “Jaunatnes lūma i īspiejis inženerzynuotnes atteisteibā”. Apsprīdes daleibnīki īsapazeis ar Daugavpiļs atteisteibys prīkšrūceibom i piļsātys nūzeimeiguokajim projektim, runys signalu spektra pieteišonu, nanotehnologeju atteisteibu, nanotehnologejis sasnīgumim i problemom, jaunajom katastrofu prognoziešonys metodem.
Jākubpiļs dūmes sēdē deputati lems par jauna byuvmaterialu veikala i nūlyktovys celtnīceibu piļsātā. Jaunu veikalu varātu izbyuvēt Kļavu īlā 1 – naapbyuvātajā kvartalā storp Vīneibys, Auseklīša, Bebru i Neretas īlom. Par itū īceri sabīdryskuos apsprīsšonys laikā nu īdzeivuotuojim nav sajimta nivīna atsauksme.
Rēzeknis augstškolā nūtiks lekceja par tautys nūbolsuošonu, jo teik vuokti paroksti tautys nūbolsuošonys īrūsynuošonai par apturātajim lykumim. Atkluotuo lekceja nūtiks Atbreivuošonys alejā 115, Humanitarūs zynuotņu fakultatis i Pedagogejis fakultatis ākā, aktu zalā (suokums pl.15:30). Lekceju skaities i iz vaicuojumim atbiļdēs Rēzeknis augstškolys asocietais profesors Zigurds Mikainis.