Leivuonūs Latgolys pošvaļdeibu vadeituoju sanuoksme
Leivuonūs šudiņ nūtiks Latgolys planuošonys regiona Atteisteibys padūmis sēde, kuramā paradzāts ar Izgleiteibys i zinuotnis ministrejis puorstuovjim diskutēt par nuokušo planuošonys perioda 2007.-2013 godam Eiropys Savīneibys strukturfondim izgleiteibā. Sēdi reikoj Latgolys planuošonys regiona Atteisteibys padūme. Sanuokmē pīsadaleitīs aicynuoti Latgolys 16 pošvaļdeibu vadeituoji.Šudiņ, planuots suokt veikt apriekinus, cik lelus zaudiejumus nūdarejuš plyudi Jākubpilī i rajonā. Taipoš paradzāts ari lemt par īspieju lyugt vaļdeibai kompensēt daļu nu izdavumim. Pošvaļdeibā informej, ka īprīšk itik leli plyudi Jākubpiļa apleicīnē pīdzeivuoti ’98. godā, tymā reizē, kab nūvārstum plyudus, tyka uzsprydzynuots pi Jākubpiļa izveiduotais aizsorgdambs.
Rēzeknis Muokslys koledžys kūpmītnē, Raiņa īlā 9.b, kurei 12.martā beja izacieļs guņsgrāks, nu šudiņdīnys varēs apsamest vysi audziekni, kuri tur dzeivuojuš da šam. Leluokuo daļa audziekņu kūpmītnē jau dzeivuoja paguojušajā nedeļā. Remonts turpynojās vīneigi dagušuos telpys catūrtajā stuovā.
Šudiņ Mordovijā Daugavpiļs teatris jam daleibu festivalā “Tautīši”, Daugavpiļs teatris izruodeis Raiņa divcielīņa lugu “Pyut, viejeņ!” krīvu volūdā. Izruodis režisors Harijs Petrockis uzskota, ka skateituojim juosuok īpazeit Raini tīši ar itū lugu.
Katūļticeigī šudiņ sviņ sv. Jezupa dīnu. Svātais Jezups ir bazneicys aizbiļdnis i it seviški prīsteru aizbiļdnis. Šudiņ Jezupa dīnā daudzvīt nūteik Jezupa dīnys koncerti ar doncuošonu i dzīduošonu.
