Kaimiņattīceibu programys projekts

Daugovpilī šudiņ suoksīs i reit turpynuosīs Baļtejis jiurys regiona INTERREG 3 B kaimiņattīceibu programys projekta “Reģiona attīstība, ieviešot reģenerācijas pasākumus” seminars, kurā tiks demonstrāti pilotprekojekti. Seminarā pīsadaleis puorstuovi nu Latvejis, Lītovys i Boltkrīvejis pīrūbežys regiona kaimiņpiļsātom. Seminara laikā planuots īpazeistynuot ar Daugovpiļs lidūstys projektu, ar Kruoslovys piļs i parka rekonstrukcejis un cytim projektim.

Preiļu nūvoda dūme pījāmuse lāmumu uzstuodeit piļsātā videonūvāruošonys kamerys. Nūteikūšais kameru uzstuodeišonys vītuos tiks operativi vāruots Preiļu Policejis dežurdalis telpā. Videokameru uzstuodeišona Preiļu Nūvoda dūmei izmoksuos ap 10 tyukstušom latu.

Daugovpilī šudiņ Ceļu policejis telpuos suoksīs četru dīnu apvuiceibys seminars Latgolys regiona policejis darbinīkim par atkareibys profilaksi. Seminarā piesadaleis Daugovpiļs, Jiekabpiļs, Kruoslovys, Preiļu, Rēzeknis un Ludzys rajona napylngadeigūs lītu inspektori, īcirkņa inspektori un cyti policejis darbinīki.

Jiekabpilī šudiņ Naturalizacejis puorvaļdis Daugovpiļs Regionaluo nūdaļa reikuos informacejis dīnu par Latvejis pylsūneibys vaicuojumim. Informacejis dīna suoksīs Jiekabpiļs Vaļsts nūdarbynuoteibys agenturys telpuos un turpynuosīs Jiekabpiļs Agrobiznesa koledžys kūpmītnēs.

Jaunuokuos zinis klausotēs Latgolys Radejā!